Palwa TBS

Trinitarian Bible Society yashimpilwe mu 1831 nga kabungwe ka nkuta ishalekana lekana ku kupeela amalebo ya mushilo aya cishinka kabili ayafikapo, ayapilibulwa ukufuma ku malembo ya mu ndimi sha mu Baibo ayawamisha ukucila yonse.

Ukufuma fye pa kukumana kwa ntanshi ukwa aka akabungwe mu 1831, twalimona ukuboko kwakwa Lesa pa mulimo na pa fyalekana lekana ifyo twapitamo. Lelo icintu cimo cena tacapilibuka ukutula fye pa kukumana kwa kutedeka: apo twaiminina.

Umulimo wa aka akabungwe kupakamisha Ubukata bwakwa Lesa no kupusushiwa kwa bantu, ukupitila mu kusalanganya, konse mu mwesu na ku fyalo fimbi, ukushintilila pe paalo ilyashila, AMALEMBO YA MUSHILO, ayapeelwa ukupitila mu kupuutwamo kuli Lesa, kabili yaba na maka aya kulenga abantu ukuba abamano ukulola ku kupusushiwa, ukupitila mu citetekelo icaba muli Kristu Yesu.

Ilelo TBS naikwata ukucila pa makumi yane imilimo ya kupilibula Baibo nangu iya kupitilukamo iilebombwa. Apo cingacitwa tupilibula ukufuma fye ku ndimi isho Baibo yalembelwemo, iciHebere Masoretic mu Cipingo ca Kale ne ciGiliki Received Texts ifya Cipingo Cipya. Tubomfya imbela ya kulinganya ifyo cali pa kutila ukupilibula kwesu kube fye ukwapalamisha ku Malembo ayaputwamo kuli Lesa.

Isambilisho lya kupuutwamo mu fyalandwa kabili ifyapwililika ne sambilisho lya kubakililwa kwa malembo e mifula iikankala pa kulolekesha bwino pa Cebo cakwa Lesa. Nangu cakutila ifyebo ifyalembelwe pa kutendeka ifyapuutwamo mu Cipingo ca Kale mu ciHebele na mu Cipingo Cipya mu ciGiliki tafyabako pali lelo, ku citetekelo twalishiba ukuti Hebrew Masoretic Text na Greek Received Text (nakabili iitwa ukuti Textus Receptus) Cebo cakwa Lesa icapwililika icabakililwa na Lesa mu nshiku shonse ishapita isha kulembulula no kusabankanya pakati bantu bakwe.

Kuti twaba no kushininkisha ukwafikapo ukuti Icebo cakwa Lesa ngefyo caba mu Cipingo Cipya ca Textus Receptus cebo icalinga ukutetekela icimininako ifyalembwa ukulingana nefyo fyapeelwe pa kutendeka. Lesa alipeela ica kuti inkulo ishingi isha batetekela shalilemba amabuku mu ciGiliki na ma Baibo yalipilibulwa ukufuma kuli yene. Pantu na kucilisha, Textus Receptus ibomfya ifyalembwa mu ciGiliki ifyalebomfiwa apakalamba pa nkulo ishingi, ifyalengelwe ishintililo lya ma Baibo ayengi pa nshita ya kulungika imipepele. Lesa aatwalilile ukubakilila Icipingo cakwe Cipya mu kutungulula abantu bakwe ukubofya ifyalembwa ifya kuti nangu fingaba mu malembo, nangu cibe ifi Cebo cakwa Lesa ica mushilo ukufuma umuyayaya. Abena Kristu nabakane ifyalembwa mu ciGiliki ifya nshita ino na ma Baibo aya konkeleshamo, kabili babomfwe Icipingo Cipya ca Texus Receptus no kupilibula kwa cishinka ukufumamo, uko Lesa apaala pa nkulo ishingi!

Ilyo ukupilibula atemwa ukupitulukamo kwapwa, tulolekesha pa kusabankanya no kusalanganya Amalembo, ifyo Shikulu atushukisha. Nakabili tulatungilila ukupilibulwa ukwa kufikapo kabili ukwa cishinka mu nshita shimo uku kupilibulwa kupekanishiwa na ba TBS, mu nshita shimbi balepilibula ukufuma mu malembo ayawamisha. Kabili muli fyonse, tulatwalilila ukwimya amasambilisho ya Malembo ya mushilo na Batatu muli Umo uwashila aya Basusha imipepele iyakowela.

Apaiminina aka Akabungwe

Umulimo uukankala uwa aka akabungwe kupakamisha Ubukata bwakwa Lesa no kupusushiwa kwa bantu, ukupitila mu kusalanganya, konse mu mwesu na ku fyalo fimbi, ukushintilila pe paalo ilyashila, Amalembo ya Mushilo, ayapeelwa ukupitila mu kupuutwamo kuli Lesa, kabili yaba na maka aya kulenga abantu ukuba abamano ukulola ku kupusushiwa, ukupitila mu citetekelo icaba muli Kristu Yesu. Uku ukukonkomesha kwalilangwa bwino mu fintu twaimininapo ifipeelwe pe samba.

• Ukusabankanya no kusalanganya Amalembo ya Mushilo mwi sonde lyonse mu ndimi ishingi
• Ukutungilila ukupilibulwa kwa ma Baibo ayafikapo kabili ayacetekelwa, ukulinganya ne Cipingo ca Kale mu ciHebere Masoretic Text, ne Cipingo Cipya mu ciGiliki Textus Receptus, pa fyalembwa apo Authorised Version (KJV) mu Cingeleshi yashintilila.
• Ukuba icibombelo mu kuleta ulubuuto no mweo, ukupitila mu Mbila Nsuma yakwa Kristu, kuli abo abaluba mu lubembu na mu mfifi yamipepele ya bufi no kukanatetekela.
• Ukutungilila Amasambilisho ya bwina Kristu aya fikapo, ukubela bakambone ku kulingana ne mbela ya muyayaya iyakwa Lesa Tata, Lesa Umwana mwaume na Lesa Mupashi wa mushilo, Lesa umo mu Bantu batatu.
• Ukutungilila Baibo ukuba Icebo cakwa Lesa, icaputwamo kabili icabulamo akalema.
• Ku Bukata bwakwa Lesa no kulunduluka kwa Bufumu bwakwe ukupitila mu kusalanganishiwa kwa malembo ya Basusha atemwa ayashakoweshiwa aya Cebo cakwa Lesa.

Kuti twalomba amapepo yenu pakuti twingafwilishiwa ukutwalilila mu mulimo wakupeela Icebo cakwa Lesa mukati ka fyalo fyonse.

Umulimo wa Kupilibula Icipingo Cipya mu Cibemba

Mu 2017 ba Trinitarian Bible Society batendeke umulimo wa kufwaya ukupilibula Icipingo Cipya mu Cibemba ukubombela pamo na ba Free Grace Evangelistic Association (FGEA), abo abalebomba mu Zambia ukufuma mu 2010 pakati ka nkuta ishibomfya ululimi lwa Cibemba. Ico twimininepo kupekanya amalembo ayacetekelwa mu Cipingo Cipya mu Cibemba ukushintilila pa malembo ayapokelelwa, ukufuma ku malembo ayapokelelwa aya Cipingo Cipya ayetwa Interlinear na Baibo iyasumininishiwa iitwa (King James Version). Ilyo umulimo uletwalilila twalomba ukusenamina kwakwa Shikulu ukuti engemya uulanda Icibemba uwaishiba indimi sha kubalilapo isha muli Baibo, uwingailundako ku mulimo.

Kutotela kuli Lesa ukuti ibuku lya Mbila Nsuma ukulingana na Yohani mu Cibemba lya lembelwe mu 2021. Ukulemba kwacitilwe ku UK, na mabuku yabalilepo ukufika mu kapepo kakalamba (June) 2022 ku kusalanganishiwa mu Zambia, umo yapokelelwe bwino sana. Ibumba lya balepilibula nalifika apatali; na Mateo, Mako, na Luka yali pampuka yacibili mukalolekeshiwapo kabili nombaline fye aya amabuku yalipitulikwamo no muntu umbi uwaibela uulanda Icibemba uwa sontwa kuli ba TBS. Ibumba lya mu Zambia pali ino nshita lilebombela pa Milimo ya Batumwa na Bena Roma. Icilonganino ciletasha kuli ba Free Grace Evangelistic Association (FGEA) pa kwampana pamo na ifwe pa mulimo uyu.

Ifikope filelanga ukupeelwa (ukusalanganishiwa) kwa Mbila nsuma yakwa Yohani mu Cibemba na bakupitulukamo ninshi balepitulukamo mwi buku ilipilibwilwe.

Ukusondolwelela

Ibumba lya balepilibula lyatwalilila ukuya pa ntanshi mu mulimo uyu mu Cipingo Cipya; ilyo balebomba, twalomba amapepo yenu ukuti bengatungililwa no kwafwilishiwa kuli Shikulu mu mulimo onse. ‘Efyo cikaba icebo candi icifuma mu kanwa kandi: tacakabwelele ibusha kuli ine, kano cacita ico natemwa, no kushuka muli ico nacitumina’ (Esaya 55:11).